Mae CILT Cymru’n gweithio gyda CILT, y Ganolfan Genedlaethol ar gyfer Ieithoedd, i hyrwyddo gwell medrau cenedlaethol mewn ieithoedd ar gyfer busnes a chyflogaeth. Rydym ni’n gwneud hyn mewn sawl ffordd:

• Drwy ymchwilio a chodi ymwybyddiaeth o’r manteision cymdeithasol ac economaidd gyda gwneuthurwyr polisïau, rhanddeiliaid, cyflogwyr a chynrychiolwyr cyflogwyr fel y Cyngor Sgiliau Sector;
• Drwy helpu busnesau i wella eu perfformiad drwy gynllunio cyfathrebiadau rhyngwladol yn dda;
• Drwy gefnogi darparwyr gwasanaethau ieithoedd (e.e. hyfforddwyr, cyfieithwyr ar y pryd, cyfieithwyr), i ddosbarthu gwasanaethau sy’n cwrdd ag anghenion cyflogwyr;
• Drwy ddatblygu a chynnal Safonau Galwedigaethol Cenedlaethol ar gyfer ieithoedd yn y gweithle, ar gyfer cyfieithu ar y pryd ac ar gyfer cyfieithu;
• Drwy weithio gyda chyrff dyfarnu a chyrff rheoleiddio, adran addysg y D.U. ag asiantau cyllido i wella ansawdd a niferoedd y ddarpariaeth ieithoedd mewn cyd-destunau galwedigaethol;
• Drwy helpu unigolion i ddatblygu a defnyddio eu sgiliau iaith yn y gwaith;
• Drwy gydnabod a rhannu arfer da yn yr holl feysydd hyn.

  

Cysylltu cyflogwyr ag addysg

Drwy gysylltu ysgol neu goleg a chyflogwr lleol gyda dimensiwn rhyngwladol, bwriad y cynllun Pencampwyr Ieithoedd Busnes yw lleihau’r bwlch rhwng cyflogaeth ac addysg a chynorthwyo myfyrwyr i wneud y cysylltiad ar gyfer dyfodol mwy clir.

Mae'r gwaith yn cefnogi amcanion Ieithoedd Sy’n Cyfrif (pdf 616 kb), Strategaeth Genedlaethol Llywodraeth Cynulliad Cymru.

I ddarganfod mwy, cliciwch ar y cysylltiadau isod.

• Cyflwyniad - Tipyn o eiriau ar yr achos busnes dros ddysgu ieithoedd a sut gallwch chi weithio gydag ysgolion a cholegau lleol.

• Archwiliad Sgiliau a Strategaeth Genedlaethol Ieithoedd Tramor Modern - Pa mor dda ydym ni'n gwneud a beth mae Llywodraeth y Cynulliad eisiau i ni wneud am hyn?

• Ieithoedd ar gyfer Busnes - Na, nid yw pawb yn siarad Saesneg ac mae hynny'n costio arian. Yma, gallwch chi ddod o hyd i gyfres o ddeunyddiau defnyddiol a gyhoeddwyd gan CILT, i'ch helpu chi i weithio gydag ieithoedd a diwylliannau eraill, ynghyd â chyfres eang o Ganllawiau ar Wledydd.

• Gwefannau Amlieithog - Mae pobl yn 7 gwaith mwy tebygol o brynu os cyfeirir atynt yn iaith eu hunain. Beth mae'r wefan yn ddweud - neu'n peidio â dweud - amdanoch chi?

• Astudiaethau Achos - Busnes sydd wedi wynebu'r rhwystr iaith ac wedi dod o hyd i ateb.

• Defnyddio cyfieithwyr a chyfieithwyr ar y pryd proffesiynol - Er bod gan frawd cariad nai cymydog eich nith TGAU Ffrangeg, nid yw hynny’n golygu y gall e gyfieithu. Mae cyfieithu’n grefft arbennig iawn ac un na ddylech chi’i gadael i amaturiaid”.

• Sut i ddefnyddio gwasanaethau cyfieithydd proffesiynol? - Sut ydych chi'n gwneud bywyd yn fwy rhwydd i chi a'ch cyfieithydd?

• Ysgrifennu dogfennau i'w cyfieithu - Nid dim ond mater o ddweud yr hyn rydych chi eisiau ei ddweud yn Saesneg yw e, mae ’na ambell beth arall i’w ystyried os ydych chi eisiau’r gorau gan y swydd.

• Pobl broffesiynol - tudalennau i'r rhai hynny sydd ym myd busnes, p'un ai'n gyfieithwyr, cyfieithwyr ar y pryd, tiwtoriaid neu gynghorwyr.

• Dolenni - Llawer o safleoedd diddorol a defnyddiol i bobl broffesiynol a'r gweddill ohonom ni.