Newyddion yn Torri – Cyhoeddi Enillwyr Cystadleuaeth

Pleser o’r mwyaf yw cael cyhoeddi enwau’r enillwyr yng nghystadleuaeth “Dewch i Adnabod eich Cynorthwy-ydd Ieithoedd Tramor” eleni, a gynhelir ar y cyd â’r Cyngor Prydeinig – Cymru.

Braf oedd gweld Ffrangeg, Almaeneg a Sbaeneg yn cael eu cynrychioli a chynigion gan ddisgyblion Cyfnodau Allweddol 3 a 4 yn ogystal â myfyrwyr Lefel AS a Lefel A. Unwaith eto, roedd safon y cynigion yn uchel dros ben ac roedd penderfyniadau anodd yn wynebu’r beirniaid.

Yr enillwyr yw:
Cyfnod Allweddol 3
Gwobr 1af: Deutschklub Ysgol Dyffryn Aman am eu PowerPoint rhagorol.
2ail Wobr: Blwyddyn 7 Ysgol Uwchradd Glyn Derw am eu gwefan gartwn ryngweithiol (ac fe allwch ei gwylio trwy glicio yma:
3edd Wobr: Grwp Ffrangeg Blwyddyn 8 Ysgol Gyfun y Barri am eu PowerPoint a oedd yn llawn dop o wybodaeth.

Cyfnod Allweddol 4
Gwobr 1af: Blwyddyn 10 Ysgol Gyfun Gatholig Bishop Vaughan, a greodd becyn o adnoddau i’w ddefnyddio gyda disgyblion cyfnod allweddol 3. Roedd y pecyn yn cynnwys DVD, cyflwyniad PowerPoint, poster gwybodaeth, wal “Yn eisiau”, sawl cwis a gweithgareddau eraill.
2ail Wobr: Blwyddyn 10 Ysgol Gyfun Dyffryn Taf, a greodd DVD yn ogystal ag albwm o atgofion a gwybodaeth.
3edd Wobr (cydradd): Ysgol Gyfun St Julian’s, a greodd gyflwyniad PowerPoint ar ffurf cwis rhyngweithiol, gan orfodi’r beirniaid i weithio!
3edd Wobr (cydradd): Disgyblion Blwyddyn 11 Ysgol Dyffryn Aman a greodd DVD ardderchog gydag ymchwiliad yn arddull Mission Impossible i’w cynorthwy-ydd.

Lefel AS/A
Gwobr 1af: David Hendy o Goleg Crosskeys, a greodd sioe radio a chyflwyniad PowerPoint am gyffuriau.
2ail Wobr: Jack Westerland o Ysgol Gyfun y Barri, a anfonodd gyflwyniad PowerPoint atom yn llawn gwybodaeth am chwaeth a safbwyntiau cerddorol ei gynorthwy-ydd ynghyd â recordiad o’i gyfweliad.
3edd Wobr: Hannah Crowney o Ysgol Gyfun Gatholig Bishop Vaughan a anfonodd drawsgrifiad a recordiad o’i chyfweliad am yr amgylchedd.

Cyflwynir y gwobrau yn gynnar ym mis Mawrth (dyddiad a lleoliad i’w cyhoeddi). Yn y cyfamser hoffem estyn ein llongyfarchiadau cynhesaf i’r enillwyr a’n diolch i bawb a gymerodd ran yn y gystadleuaeth.