Ar Chwefror 14eg, bydd y Pwyllgor Addysg, Dysgu
Gydol Oes, a Sgiliau’r Cynulliad Cenedlaethol yn derbyn Adroddiad
Terfynol positif iawn ar brosiect peilot Ieithoedd
Tramor Modern Cyfnod Allweddol 2 Llywodraeth y Cynulliad. Cynhyrchwyd
y gwerthusiad annibynnol yma gan Uned Pobl & Gwaith, Y Fenni.
Dyma grynodeb o’r prif ddarganfyddiadau:
- Mae staff ysgol, rhieni a disgyblion oll yn cytuno bod cyflwyno
iaith dramor yng Nghyfnod Allweddol 2 yn ychwanegiad gwerthfawr
i’r cwricwlwm statudol.
- Anogodd y ffocws ar siarad a gwrando yn CA2, agwedd bositif
gan ddisgyblion wrth iddyn nhw gyrraedd yr ysgol uwchradd.
- Mae plant yn dod yn fwy ymwybodol o ddiwylliannau a phobloedd
eraill.
- Mae effaith bositif ar sgiliau iaith yn y Saesneg a’r
Gymraeg.
- Ystyrir bod rhywfaint o ruglder mewn dwy iaith (Cymraeg a Saesneg)
yn fantais wrth ddysgu 3edd neu 4edd iaith.
- Mae’r prosiect peilot ITM wedi helpu i ddatblygu neu gryfhau
cysylltiadau pontio effeithiol rhwng yr ysgolion cynradd ac uwchradd.
- Y gred yw bod dysgu arbenigol yn bwysig, a phan arweiniwyd y
gwaith gan yr ysgol uwchradd, ystyriwyd hyn i fod yn arbennig
o werthfawr ar gyfer datblygiad disgybl.
- Fe lwyddodd y prosiect peilot ITM i ysgogi bechgyn a merched,
ac roedd modd cynnwys disgyblion gydag anghenion addysgol arbennig
yn rheolaidd.
- Gwelwyd brwdfrydedd mawr dros y prosiect gan athrawon, disgyblion,
rhieni a llywodraethwyr ysgolion.
- Gwerthfawrogwyd rôl CILT Cymru wrth ddarparu hyfforddiant,
cyngor ac arweiniad.
Mae Llywodraeth Cynulliad Cymru yn y broses o adolygu ‘Ieithoedd
Sy’n Cyfrif’ ei strategaeth ieithoedd tramor. Lansiwyd
y strategaeth wreiddiol, yr oedd project peilot CA2 yn rhan ohono,
yn 2002. Bydd y peilot ITM cyfredol yn parhau i dderbyn arian gan
LlCC hyd at 2008, pan fydd y strategaeth newydd yn cael ei lansio.
Bydd Gwerthusiad Annibynnol (Gwerthuswyr ARAD) yn cael ei gynnal
drwy gydol 2008 a 2009 a fydd yn dod i ben gydag Adroddiad Terfynol
a fydd yn cael ei gyflwyno i Lywodraeth y Cynulliad yn Nhymor yr
Hydref 2008. Bydd ARAD yn ymweld â’r holl ysgolion uwchradd
yn y Project a rhai ysgolion cynradd. Byddan nhw’n siarad
gyda phrifathrawon ac athrawon dosbarth yn ogystal â phrif
fudd-ddeiliaid o fewn AALau a sefydliadau eraill. Rydym yn edrych
ymlaen at weithio gyda nhw a gweld effaith y Project yn CA3 cyn
belled... |
