“Croesi Pontydd”- Defnyddio ieithoedd i gefnogi’r trawsnewid o Gyfnod Allweddol 2 i Gyfnod Allweddol 3

Yn ddiweddar, mae ACCAC wedi cyhoeddi arweiniad, sydd yn cefnogi’r pontio o Gyfnod Allweddol 2 i Gyfnod Allweddol 3 gan ddefnyddio ieithoedd.

Erbyn hyn, dylai pob Ysgol Gynradd ac Uwchradd yng Nghymru fod wedi derbyn copi (Ionawr 2006)

Llawer o ddiolch i ysgolion prosiect CILT Cymru a'r rhai sydd ddim yn rhan o'r prosiect a oedd ynghlwm yn rhannu eu profiadau a darparu deunyddiau astudiaeth-achos.

Mae ffocws gryf ar draws ysgolion yng Nghymru ar y modd y gall y disgyblion gael eu cefnogi wrth symud o’r ysgol gynradd i’r uwchradd. Yn draddodiadol, mae ITM wedi cael ei ystyried yn bwnc ‘newydd’ yng Nghyfnod Allweddol 3. Fodd bynnag, i rai ysgolion, mae disgyblion newydd sy’n cyrraedd wedi cael blwyddyn neu fwy o ddysgu ITM yn eu ysgol gynradd erbyn hyn.

Mae “Croesi Pontydd” yn cefnogi cydweithrediad agosach rhwng ysgolion ac yn amlinellu arfer da. Mae’n berthnasol i’r holl ysgolion, os yw ITM yn cael ei ddysgu yn yr ysgol gynradd neu beidio. Ei nod yw helpu’r holl athrawon Cyfnod Allweddol 2 i gefnogi eu disgyblion i symud ymlaen yn hyderus tuag at ddysgu iaith yn yr uwchradd ac i helpu yr holl athrawon ITM yng Nghyfnod Allweddol 3 i adeiladu ar brofiad iaith blaenorol eu disgyblion, beth bynnag fo’r iaith.

Gweithiodd ACCAC yn agos gyda CILT Cymru ar y prosiect ac mae nifer o’r ysgolion peilot ITM yng Nghyfnod Allweddol 2 wedi darparu deunyddiau astudiaeth achos gwych.

Gellir lawrlwytho'r ddogfen yma, fel ffeil pdf (1, 103kb)