Cytundeb CILT Cymru: CILT Cymru 'ach Ysgol

Yn 2005, dim ond 31% o bobl ifanc 16 oed a astudiodd iaith dramor fodern hyd at lefel TGAU. Dengys hyn gwymp brawychus o’r hyn a gafwyd yn 1994, sef 55%. Eto, mewn economi sy’n tyfu’n fwyfwy byd-eang bellach, mae sgiliau iaith yn dod yn fwyfwy manteisiol ar gyfer cyflogaeth a theithio.

Prif bwyslais gwaith CILT Cymru ers iddi gychwyn yn 2002 yw ceisio gwrthdroi’r gostyngiad yn nifer y disgyblion sy’n astudio ITM adeg cyfnod allweddol 4 ac yn uwch.

I’r diben hwn, sefydlwyd Cytundeb CILT Cymru, perthynas arbennig ag ysgolion, sy’n gweithio mewn partneriaeth â CILT Cymru ar brosiectau i wella safonau a chynyddu niferoedd sy’n astudio ITM.

Pa fanteision sydd ar gael i'r ysgolion?

• Cefnogaeth ac arweiniad gan ymgynghorwyr dysgu iaith CILT Cymru sy’n cadw mewn cysylltiad rheolaidd ag ysgolion cyfrannog;
• Mynediad breintiedig i ddigwyddiadau a chynadleddau a gwerthfawrogiad cryfach ohonynt (gyda diwrnodau neu ymweliadau dilynol posib ar ôl digwyddiadau);
• Mynediad drwy CILT Cymru i asiantaethau perthynol eraill, fel Rhwydwaith Ieithoedd Cymru, y Cyngor Prydeinig ayb;
• Codi statws Ieithoedd Tramor Modern o fewn yr ysgol a’r gymuned;
• Grant o £500 i bob ysgol ar gyfer ei wario ar unrhyw beth sy’n ymwneud â’r prosiect;
• Cyfle i gymryd rhan mewn prosiect cenedlaethol mawreddog gyda manteision sylweddol i staff a disgyblion sy’n rhan ohono
  
  

Pa fanteision sydd ar gael i CILT Cymru?

• Cynnydd yn nifer y rhai sy’n astudio ITM adeg CA4 a’r cyfle i ledaenu’r arfer da sydd ynghlwm â’r prosiectau gweithredu
• Gwybodaeth ehangach o adrannau Ieithoedd Tramor Modern yng Nghymru a rhwydwaith ehangach o gysylltiadau
• Codi statws Ieithoedd Tramor Modern ledled Cymru
  

Y meini prawf ar gyfer dethol ysgolion

• Targedau clir i wella perfformiad disgyblion adeg CA3 ac i gynyddu niferoedd adeg CA4, a syniad clir ynghylch prosiect gweithredu i gyflawn hyn. Cynhelir sesiwn cynllunio, yn cynnwys yr ymgeisydd a staff CILT Cymru, yn ystod y cyfnod ymgeisio;
• Cefnogaeth y pennaeth a’r llywodraethwyr; rhaid i hyn gael ei nodi’n glir a’i arwyddo ar y ffurflen gais;
• Tystiolaeth o gydweithio fel tîm/adran;
• Sylw at faterion cyfleoedd cyfartal, megis lefel cyrhaeddiad bechgyn;
• Darparu cyfeiriad e-bost i’r adran;
• Ymrwymiad i drafod ag ymgynghorydd gyrfaoedd yr ysgol.